Meddylfryd Twf

Beth yw Meddylfryd tŵf?
Mae meddylfryd tŵf yn ffordd o ddatblygu gwytnwch a datblygu meddylfryd o weld methiant a chamgymeriadau fel cyfle i ddysgu. Mae ethos o feddylfryd tŵf yn cael ei ddatblygu yn gryf ac yn gadarn yn Ysgol Dewi Sant ar hyd y blynyddoedd dysgu.

Yn Ysgol Dewi Sant rydym wedi adnabod 8 cyhyr dysgu gall y plant ymarfer er mwyn ‘tyfu’ eu hymennydd.

Yn y dosbarth
Dros y dwy flynnedd diwethaf, rydym wedi bod yn brysur yn datblygu dosbarthiadau sy’n hybu meddylfryd o dwf yn hytrach na meddylfryd sefydlog (fixed) drwy wneud y canlynnol;

• Cyflwyno Emojis (yr 8 cyhyr dysgu)

Gofynwyd i'r plant ddod fyny hefo cymeriadau ‘emoji’ eu hunan oedd yn cyd-fynd a’r cyhyrau dysgu. Dyma ‘r 8 emoji greuwyd;

Dyfalbarhau, Canolbwyntio, Creadigol, Mwynhau Dysgu, Parhau i wella, Rho gynnig arni, Canolbwyntio

• Gwersi wythnosol

Rydym yn dysgu 1 wers Meddylfryd o Dwf yr wythnos yn dilyn syniadau o lyfr Shirley Clarke.

• Cynllun marcio

Rydym wedi addasu ein cynllun marcio fel bod llawer mwy o adborth effeithiol yn digwydd rhwng yr athrawon a’r disgyblion. Golyga hyn fod y plant yn adnabod eu camgymeriadau ac yn ymwybodol o’r camau nesaf sydd angen eu gwneud er mwyn gwella. Rydym yn defnyddio ‘pinc perffaith’ i dynnu sylw at yr hyn y maent wedi gwneud yn dda a ‘glas gwella’ i dynnu sylw at gamgymeriadau neu rywbeth sydd angen ei addasu/newid. Mae’r plant hefyd yn marcio gwaith eu hunain a gwaith ei gilydd yn defnyddio’r cynllun marcio yma lle ceir llawer o drafodaeth rhwng y plant am eu dysgu eu hunain.

• Dewis her

Fel rhan o allu gwella meddylfryd y plant, mae’n bwysig eu bod nhw yn gallu adnabod pa waith sydd ddigon heriol iddyn nhw. Mae’n bwysig nad yw plant yn treulio gormod o amser yn eu parth dysgu cyfforddus gan nad yw hynny yn eu hymestyn yn feddyliol. Mae lefelau gwahanol o her yn cael eu cynrychioli gan liwiau gwahanol yn ein hysgol ni: Coch yw’r weithgaredd mwyaf heriol, yna glas ac yna gwyrdd.